Ու՞մ է դիմում ձեր բրենդը։ Ձեր բիզնեսի թիրախային լսարանը:

Պատկերացրեք, որ կանգնած եք մարդաշատ հրապարակում ու հայտարարում եք․ «Ես հիանալի ապրանք եմ վաճառում»։ Ոմանք կշրջվեն, բայց մեծ մասը պարզապես կանցնի ձեր կողքով։ Ինչո՞ւ։ Որովհետև դուք հստակ չեք դիմում կոնկրետ որևէ մեկին։

Նույնը մարքեթինգում է․ առանց հստակ սահմանված թիրախային լսարանի ձեր բիզնեսն անարդյունավետ է։

Եթե ուզում եք, որ ձեր մարքեթինգային ջանքերը արդյունք տան, դուք պետք է հստակ իմանաք՝ ում հետ եք խոսում։ Խոսքը մարդկանց որոշակի խմբի բացառելու մասին չէ, այլ ռեսուրսները ճիշտ ուղղելու․ դուք դիմում եք այն մարդկանց, ում ձեր պրոդուտը ամենաշատն է պետք։

Այս ուղեցույցը կօգնի ձեզ պարզել, թե ինչպես սահմանել ձեր թիրախային լսարանը և ստեղծել «գնորդի կերպար», ինչը ձեր մարքեթիգային գործունեությունը արդյունավետ կդարձնի։

Ի՞նչ է թիրախային լսարանը

Թիրախային լսարանը այն մարդկանց խումբն է, ովքեր ամենայն հավանականությամբ կդառնան ձեր հաճախորդները։ Նրանք այն մարդիկ են, ում խնդիրները դուք լուծում եք և ում կարիքները բավարարում եք։

Օրինակ՝ պատկերացրեք մի սրճարան։

• Դրա այցելուները կարող են լինել ուսանողներ, ում պետք է անվճար Wi-Fi և մատչելի լատտե։

• Կամ էլ այն կարող են այցելել միջին տարիքի ձեռնարկատերեր, ովքեր սիրում են պրեմիում էսպրեսո վայելել առավոտյան հանդիպումներից առաջ։

Ձեր թիրախային լսարանը որոշում է ամեն ինչ՝ ձեր սրճարանի գները, գտնվելու վայրը, ինտերիերը և նույնիսկ սոցիալական ցանցերում ձեր գրառումների ոճը։

Ձեր լսարանին ճանաչելը թույլ է տալիս․

• Խնայել գովազդի բյուջե՝ անիմաստ ծախսեր չանելով այն մարդկանց վրա, ովքեր երբեք չեն գնի ձեր պրոդուկտը,

• Բարելավել հաղորդակցության ոճը՝ օգտագործելով ձեր պոտենցիալ գնորդին բնորոշ բառապաշար, ոճ և հումոր,

• Բարելավել ձեր պրոդուկտը՝ ստեղծելով այն, ինչ իրոք պետք է ձեր թիրախային լսարանին,

• Կառուցել հավատարմություն՝ հաճախորդին ցույց տալով, որ իրեն լսում ու հասկանում են։

Ժողովրդագրական և հոգեբանական հատկանիշներ։

Ձեր թիրախային լսարանը հասկանալու համար կարևոր է ուսումնասիրել երկու տեսակի տվյալներ, որոնց մասին կարող եք կարդալ Mailchimp-ի այս հոդվածում․

1․ Ժողովրդագրական տվյալներ («Ո՞վ»)

• Տարիք՝ Gen Z, միլենիալներ, թե՞ բումերներ։

• Լոկացիա՝ Երևան, Գյումրի, թե՞ արտերկիր։

• Սեռ. ձեր ապրանքը ավելի շատ գրավո՞ւմ է կանանց, թե՞ տղամարդկանց։

• Եկամուտ՝ ուսանողնե՞ր, թե՞ բարձր եկամուտ ունեցող մասնագետներ։

• Կրթություն՝ միջնակարգ, բակալավր, մագիստրոս։

• Մասնագիտություն՝ ՏՏ, ստեղծագործական ոլորտներ, ավանդական բիզնես և այլն։

2․ Հոգեբանական տվյալներ («Ինչո՞ւ»)

• Հետաքրքրություններ՝ սպորտ, արվեստ, տեխնոլոգիաներ, ճանապարհորդություն։

• Արժեքներ՝ կայունություն, ընտանիք, կարիերային աճ։

• «Հաճախորդի ցավ»՝ ի՞նչ խնդիր են նրանք փորձում լուծել։

• Նպատակներ՝ նոր հմտություն սովորել, բիզնես սկսել, վերապրոֆիլավորել։

Օրինակ՝ «Երևանում բնակվող 28-ամյա մարքեթոլոգը, որը գնահատում է շարունակական ուսուցումը և անհանգստանում է, որ իր գիտելիքներն ու հմտությունները ժամանակավրեպ են»՝ շատ ավելի հստակ թիրախ է, քան պարզապես «Երևանում ապրող տղամարդը»։

Բոլորը միասին՝ գնորդի կերպար (buyer persona)

Երբ այս տվյալները հավաքված են, դուք կարող եք ստեղծել կիսաֆիկցիոնալ կերպար, որը ներկայացնում է ձեր իդեալական հաճախորդին։ Գործը հեշտացնելու համար կարող եք օգտագործել HubSpot-ի այս անվճար գործիքը, ինչպես նաև կարդալ գնորդի կերպարի մասին այս հոդվածը։

Եկե՛ք ստեղծենք գնորդի կերպարի մի օրինակ։

Օրինակ՝ «Անահիտ»

Կենսագրություն. 29-ամյա գրաֆիկական դիզայներ, ով ունի ձեռագործ զարդերի փոքրիկ առցանց շոփ։ Նա ուզում է ընդլայնել իր բիզնեսը, բայց առաջխաղացման հարցում խնդիրներ ունի։

Ժողովրդագրական տվյալներ՝

• Կին

• 25-35 տարեկան

• Երևան

• Համալսարանական կրթություն

• Միջին եկամուտ

Նպատակներ՝

• 50%-ով ավելացնել առցանց վաճառքները

• Ստեղծել ճանաչված բրենդ

• Բացել փոքրիկ խանութ

Մարտահրավերներ՝

• Նոր հաճախորդների ներգրավում՝ ընկերներից և ընտանիքից բացի

• SMM-ով զբաղվելը բարդ է և ժամանակատար է

• Վստահ չէ, որ ր փոքրիկ բյուջեն ճիշտ է ծախսում

Այս կերպարը դառնում է ձեր մարքեթինգային որոշումների «փորձաքարը»։ Միշտ հարց տվե՛ք ձեզ․ «Արդյո՞ք այս գաղափարը դուր կգա՞ Անահիտին։ Կլուծի՞ այն արդյոք նրա խնդիրը»։

Ձեր առաջին քայլը դեպի ավելի խելացի մարքեթինգ:

Թիրախային լսարանի սահմանումը յուրաքանչյուր հաջողակ մարքեթինգային ռազմավարության հիմքն է, իսկ գնորդի կերպարի ձևավորումը բազմապատիկ կարդարացնի իր արժեքը՝ խնայված ծախսերի, ներգրավվածության աճի և հավատարիմ հաճախորդների տեսքով։

Եթե դուք պատրաստ եք ընդլայնել ձեր գիտելիքներն այս թեմայով՝ ոլորտի առաջատար էքսպերտերի օգնությամբ, ապա մեր Weekend School of Marketing դասընթացը ձեզ համար է։ Դուք ձեռք կբերեք գործնական հմտություններ ոչ միայն ձեր թիրախային լսարանը սահմանելու, այլև այն արդյունավետորեն ներգրավելու համար։

Ելնելով այս բլոգից՝ մեր «Անահիտը» նույնպես պետք է միանա Weekend School of Marketing֊ին՝ իր բիզնեսի առաջընթացն ապահովելու համար։

Այստեղ ծանոթացե՛ք Weekend School of Marketing դասընթացի մանրամաներին։