ՏՏ նախագծերի կառավարման տարածված սխալները և դրանցից խուսափելու եղանակները։

ՏՏ նախագծերի կառավարումը պրոյեկտը զուտ վերջնաժամկետից առաջ հանձնելը չէ . այն բարդ խնդիրներ լուծելու, տարբեր թիմերի միջև համաձայնեցված աշխատելաոճի և իրական բիզնես արժեք ապահովելու մասին է։

Եկե՛ք վերլուծենք ՏՏ նախագծերի կառավարման ամենատարածված սխալները և դրանցից խուսափելու եղանակները։

1. Անորոշ կամ փոփոխվող պահանջներ:

Ո՞րն է սխալը. նախագիծը մեկնարկել վատ սահմանված նպատակներով կամ անընդհատ փոփոխվող տեխնիկական բնութագրերով։

Օրինակ. հաճախորդը գործարկում է բջջային հավելված՝ առանց հստակն պատկերացնելու, թե այդ հավելվածը ինչ կտա օգտատիրոջը։ Հավելվածը մշակելու ընթացքում պատվիրատուն խնդրել է իրականացնել խոշոր UX փոփոխություններ, որոնք պահանջում էին վերաձևակերպել backend ճարտարապետությունը։ Այս ամենը ժամանակացույցին կավելացնի ևս երեք ամիս։

Ինչպե՞ս խուսափել. Հստակ պլանավորե՛ք, թե որն է լինելու ձեր վերջնաարդյունքը: Ուսումնասիրե՛ք օգտատերերի վարքագիծը և տեխնիկական փաստաթղթեր՝ բոլոր սպասելիքները վաղ փուլում ֆիքսելու համար: Փոփոխությունների կառավարման գործընթացը դրե՛ք հստակ հիմքերի վրա այն դեպքերի համար, երբ անհրաժեշտ լինի կտրուկ շրջադարձ կատարել։

2. Տեխնիկական բարդության թերագնահատում:

Ո՞րն է սխալը. տեխնիկական պահանջների չափազանց պարզեցում կամ ինտեգրացիոն կախվածությունների անտեսում։

Ինչու՞ է դա տեղի ունենում. պրոյեկտի ոչ տեխնիկական շահագրգիռ կողմերը կարող են լիովին չհասկանալ backend բարդությունները կամ երրորդ կողմերից կախվածության նշանակությունը։

Ինչպե՞ս խուսափել. պլանավորման փուլում ներգրավե՛ք տեխնիկական ղեկավարներ: Նրանք կարող են վաղ փուլում վերհանել հնարավոր խոչընդոտները:

3. Մարդկային գործոնի անտեսում:

Ո՞րն է սխալը. թիմի դինամիկայի, շահագրգիռ կողմերի համաձայնեցվածության և փոխհարաբերությունների բացերի անտեսում:

Օրինակ. նախագիծը շաբաթներով կանգ է առել, քանի որ երկու փոխգործակցող բաժիններ համաձայնություն ձեռք չէին բերել գործընթացների հոսքերի կառավարման հարցում: Ոչ մի տեխնոլոգիական նորարարություն չի կարող շտկել կազմակերպչական բացերը:

Ինչպե՞ս խուսափել. առաջին օրվանից առաջնահերթությունը տվե՛ք շահագրգիռ կողմերի ներքին հաղորդակցությանը: Կազմակերպե՛ք կանոնավոր հանդիպումներ և օգտագործե՛ք աշխատանքային հոսքերը կարգավորելու այնպիսի գործիքներ, ինչպիսին են Slack-ը, Confluence-ը կամ Miro-ն, որպեսզի թիմի յուրաքանչյուր անդամ իմանա իր անելիքը:

4. Ռիսկերի թույլ կառավարում:

Ո՞րն է սխալը. կարծել, որ ամեն ինչ կընթանա ըստ նախնական պայմանավորվածության (իրականություն` բացառվում է):

Ինչպե՞ս խուսափել. նախագծի սկզբում սահմանե՛ք հնարավոր ռիսկերը: Պարզե՛ք, թե ինչը կարող է սխալ ընթանալ՝ պրոյեկտի ուշացումներ, մատակարարների հետ կապված խնդիրներ, գործունեության շրջանակի մեծացում և պլանավորման հետ կապված անսպասելի խնդիրներ: Agile թիմերը կարող են նաև օգտագործել բուֆերային սպրինտներ՝ պրոյեկտում միջանկյալ ուղղումներ կատարելու համար:

5. Պրոդուկտի գործարկումից հետո ռազմավարության բացակայություն:

Ո՞րն է սխալը. նախագիծը համարել «ավարտված» գործարկման պահից:

Ինչպե՞ս խուսափել. մշտապես պլանավորե՛ք հետագա տեխնիկական աջակցությունը, հաճախորդների սպասարկումը և ապագա իտերացիաները։ Պրոդուկտի գործարկումը միայն սկիզբն է. նախագծերը պետք է հաջողության հասնեն երկարաժամկետ հեռանկարում։

Եզրակացություն:

ՏՏ նախագծերը հաջողության են հասնում, երբ մարդիկ, գործընթացները և տեխնոլոգիաները աշխատում են համահունչ։

Նախագծերի ճիշտ կառավարումը նշանակում է կանխատեսել խնդիրները` նախքան դրանք կվերածվեն ճգնաժամի։ Slice Academy-ն սովորեցնում է, թե ինչպես համատեղել տեխնիկական փորձագիտությունը ռազմավարական մտածողության հետ՝ ձեր ՏՏ նախագծերը ճիշտ ուղու վրա դնելու համար։ Միացե՛ք մեր IT Project Management դասընթացին՝ նախագծերը արդյունավետորեն կառավարելու համար։